حروف اسمك

حروف اسمك شقى وترحال..

عبير وورود ونسمة تداعب الشبال..

حروف اسمك قصة غريبة مابتتقال..

فرح ودموع ولوحة بتشكى غلب الحال..

حروف اسمك حروف كتبت حلاة الدنيا باللآمال..

حروف رقصت رقصة فال..

حروف مسحت دمعنا السال ..

حروف زرعت فينا كيفن نعدل المال ..

حروف اسمك حنان ودلال..

حروف اسمك كفاح ونضال ..

حروف اسمك قصة ريدة بين السمحة والاطفال ..

****

سكوت وقيام تحية سلام جلوس وانتباه لكل الحاضرين :

بسم الله نبدأ قصة عشناها وانحنا عيال ..

كان يامكان,فى دنياالحروف الابجدية ظهر الفا وجنبو العين وبعدو الها,محبة وريدة بين
العين وبين الفا نجيب العين تزح الكاف نلم الشين تطير الها ..

******

قدر احرفنا مانتلم ..

ونفضل فى رجا الاحلام ونتعشم ..

سكن الحزن كراسنا وعشش فى سطورو الهم ..

ونقلب صفحة فوق صفحة ونبكى بحسرة نتندم ..

لافادت كتاباتناولافادت خواطرنا لانو الحبر اصبح دم ..

ولافادت مراكبنالانو الموج بصارع اليم ..

غرقنا خلاص فى احزانا وشبعنا شقى وشبعنا حلم