شوقنا الكبير

شوقنا الكبير ... شوقا بحر
حاولت مرات اوصفه ..
واحترت كيفن اوصفه ..
ما الشوق أبد ما بتوصف
في عمقه إحساسا عميق ..
شيتا دقيق ..
.........
لوقلت مرة أترجمه ..
بلقاه أصعب بي كتير
ما الشوق ابد ما بتوصف
بيحسه من كان في مكاني
وعلاجه في إيدين زماني
باللقيا بي شوفة العيون
شحنات عواطف تمتزج
دفقات فرح ..
مزدانة بي لحظات شجون
وقلوب تدق دقات فرح
وإيدين تعانق في اليدين ..
بي لهفة مشحونة بجنون
.........
مهما أقول ما بوصفه
ومهما أصف ما بنصفه
أبدا الوصف ..
وألقى القلب ..
يأمرني أمرا بي حزم
تاري الوصف غير الوصف
ما الشوق أبد مابتوصف
........
بيحسه من كان في مكاني
وعلاجه في إيدين زماني

‏